Dentro do ciclo PENSARMOS que organiza a sección de PENSAMENTO do Consello da Cultura Galega do que formo parte, o vindeiro día 28 de febreiro conversarei con Lluís Bassets, un dos xornalistas máis importantes de España arredor da cuestión dos Fascismos Dixitais. Entre outras cousas, tentaremos respondernos preguntas do estilo:
-Que entendemos por fascismo dixital?
-Son as redes sociais un mal aliado para a democracia? (falemos da postverdade)
-Que papel está a xogar a mentira propagada por estas novas formas de comunicación na toma de decisións políticas?
-Perdemos a capacidade de distinguir o verdadeiro do falso?
-É posible hoxe en día realmente estar “ben informado” de algo?
-Existe algo que podamos chamar “neofascismo”?
-Estamos ante propostas políticas particulares para cada país ?(Le Pen, Bolsonaro, Trump, VOX) ou é un fenómeno global con elementos similares?
-Tentaremos analizar brevemente o nacemento e propagación dos novos populismos.
-Chegou a hora de atacar o que Christian Ridder chama no seu ensaio “Dataclismo”, o “evanxelismo tecnolóxico”?
-Está a tomar decisións políticas un algoritmo?
-Debe a política reaccionar con decisións normativas? (lexislar claramente sobre a falsidade en Internet
Nesta ligazón (CCG_ac_2019_pensarmos-lluis-bassets) queda o programa enteiro para que vos poidades anotar. A entrada é totalmente de balde.
Usamos cookies para mellorar a experiencia de navegación. Se continúas navegando entendemos que aceptas a política de privacidade e cookies. Máis información
Esta páxina web utiliza cookies propias e de terceiros para mellorar a experiencia de navegación, e funcionalidades (como deixar comentarios ou enviar unha mensaxe no formulario de contacto) que recompilan datos de usuario. Podes revisar que datos se recompilan e como son procesados na política de privacidade e cookies.