Onte cubrín a enquisa. Tristeira. Onte cubrín a enquisa. Mentireira. Onte cubrín a enquisa. Manipuladora. Onte cubrín a enquisa. Falseadora. Onte cubrín a enquisa. Pensada para xustificar o inxustificable ( se aos alemáns dos anos 40 lles tiveran preguntado se había que botar aos xudíos do país sairía que si; gañaría esa burrada ). Onte cubrín a enquisa. Perversa ( saben antes de preguntar o que vai saír, pero o que vai saír non ten por que ser o xusto ).
Onte cubrín a enquisa. Que pasará á historia. E non á mellor parte da historia.
Onte cubrín a enquisa. Oxalá me fagan máis. Sobre outras materias. Sobre o soldo dos políticos. Sobre a equipación do Celta. Sobre o tempo que debe facer. Sobre as gafas do presidente da Xunta. Sobre as mulleres que deben deitarse comigo porque saia na enquisa que deben facelo.
Onte cubrín a enquisa.