menu Menú
AGORA TOCA LOITAR
Por Francisco Castro Publicado en A Canción do Náufrago (Blog) en diciembre 6, 2009 0 Comentarios 2 min lectura
CONFESA: ¿POR QUE OPTACHES POLO GALEGO? Anterior VÍCTOR JARA, AMANDA, MANUEL. Siguiente

loita

Agora toca loitar.

Suprimiron, de novo e desta vez semella que para sempre, Libro Aberto.

Agora toca loitar.

Suprimiron Miraxes.

Agora, diante desta premeditada e ben orquestada estratexia de silenciamento de todo o que cheire a cultura, toca loitar.

Si, loitar. Se cadra, tomar as rúas coa nosa palabra, recitar por todas partes, falar con todos os que nos queiran escoitar e amosarlle os nosos libros, os nosos cadros, convidalos a pararse a presenciar esa representación. Somos escritores, músicos, actores, a xente da cultura deste país, a xente que traballa o mundo das ideas e da beleza deste país e, xa que logo, non somos calquera cousa. Non somos mellor que o resto. Pero tampouco peor. E temos unha voz, coido que importante e queremos que se nos escoite. E se nos silencian as canles máis ou menos lóxicas (a radio, a televisión, os xornais galegos que deberían servir para darlle presencia aos creadores galegos/as) teremos que ver o xeito de nos inventar outras canles nos que amplificarnos. Internets e facebooks xa sabemos que si e facémolo con entusiasmo. Pero tamén as rúas. Sexamos creativos e inventemos. Non somos parvos. Algo haberá que se nos ocorra facer.

Agora toca loitar. Porque non van calarnos. Quizais as nosas voces non chegarán a todas partes. Quizais as nosas voces resoen menos que as de Cristiano Ronaldo. Pero existirán. Non pode ser que porque nos quiten o micrófono deixemos de falar. Se cadra, xa que non temos micrófono, tócanos berrar. Para que se nos escoite cando construímos versos. Para que se nos escoite cando construímos beixos.

Agora, toca loitar.


Anterior Siguiente

keyboard_arrow_up

Usamos cookies para mellorar a experiencia de navegación. Se continúas navegando entendemos que aceptas a política de privacidade e cookies. Máis información

Esta páxina web utiliza cookies propias e de terceiros para mellorar a experiencia de navegación, e funcionalidades (como deixar comentarios ou enviar unha mensaxe no formulario de contacto) que recompilan datos de usuario.

Podes revisar que datos se recompilan e como son procesados na política de privacidade e cookies.

Pechar