menu Menu
ASA NOVELAS SENTIMENTAIS DE RAMIRO FONTE
Por Francisco Castro Publicado en A Canción do Náufrago (Blog) en Outubro 12, 2008 0 Comentarios 1 min lectura
DOUTOR EN ALASKA Anterior ¿SEGUE A SER A POESÍA IMPORTANTE? Seguinte


Non hai nada que eu, a estas alturas, poida engadir, ao xa dito, sobre a calidade inmensa de poeta de Ramiro Fonte. Nin da súa cordialidade, que sempre sentín as poucas, pouquísimas veces que tratei con el.
Sen embargo, eu quixera lembrar aquí unha obra de Ramiro Fonte, que lin cando viña de pasar os 20 anos, e que levaba por título Catro novelas sentimentais.
Quero destacala porque foi naquel tempo cando vin claro que quería ser escritor e escritor en galego. Daquela, coa fruición que segue ás grandes decisións vitais, púxenme a ler todo canto caía nas miñas mans, en especial, a literatura galega que se estaba a facer naqueles días e que hoxe chamamos A Xeración dos 80. E un deses libros que lin,e que me sorprendeu pola súa forza lírica, a pesar de ser un texto narrativo, foi este que aquí recordo.
Lembro que unha das historias tiña moito que ver cun asunto que a Ramiro Fonte sempre entusiasmou: a paixón bibliófila. Lembro que eu quería ser escritor. Lembro que estaba, en realidade, aprendendo a ler. Lembro que aprendín a ler, tamén, grazas ás novelas sentimentais de Ramiro Fonte.


Anterior Seguinte

keyboard_arrow_up

Usamos cookies para mellorar a experiencia de navegación. Se continúas navegando entendemos que aceptas a política de privacidade e cookies. Máis información

Esta páxina web utiliza cookies propias e de terceiros para mellorar a experiencia de navegación, e funcionalidades (como deixar comentarios ou enviar unha mensaxe no formulario de contacto) que recompilan datos de usuario.

Podes revisar que datos se recompilan e como son procesados na política de privacidade e cookies.

Pechar