Rematei a lectura do libro de Xaquín Núñez Sabarís, premio Ramón Piñeiro de Ensaio 2019, Cartografías da narrativa galega contemporánea. E quero recomendárvolo moi vivamente porque coido que dá pistas máis que suxestivas para entendermos o estado actual da literatura galega, do que se está facendo nos anos derradeiros. O libro é unha viaxe pola cartografía da narrativa galega actual, pero centrándose en tres escenarios: Compostela, Vigo e as Rás Baixas. Analiza, e é moi interesante, o papel que as cidades, nomeadamente Vigo, están xogando en moitos dos escritores e escritoras actuais. Especial interese ten a súa reflexión (xa abordada con anterioridade noutros estudos seus) arredor da “novela negra viguesa” representada, segundo a súa opinión, polo traballo de Domingo Villar, Pedro Feijoo, Ledicia Costas e un servidor.

Achegádevos a este texto que nos ilumina e fai entender mellor que estamos a facer, que camiños andamos transitando e, polo tanto, como é que sinte e se expresa o corazón colectivo da literatura galega de hoxe en día.

cartografías da narrativa galega contemporánea domingo villar ledicia costas novela negra viguesa pedro feijoo premio ramón piñeiro xaquín núñez sabarís