Contento de ver dous títulos como CHAMÁDEME SIMBAD e O NENO CAN recollidos na GUÍA 15 DE LIX GALEGA elaborada pola Rede de Bibliotecas Escolares de Galicia e que, cito textualmente, ofrece, “unha selección dos libros que tiveron unha maior presenza nas bibliotecas escolares galegas nestes primeiros quince anos do PLAMBE, que acompañaron ao alumnado galego no seu paso pola escola e polo instituto neste período e que, finalmente, teñen o recoñecemento das lectoras e dos lectores galegos. É froito da nosa observación e da colaboración con profesorado responsable de bibliotecas escolares que quixeron contribuír coa súa escolla. Non están todos pero todos os que están son referentes de lectura e forman parte do imaxinario do lector e da lectora que foi medrando xunto coa rede de bibliotecas escolares galegas. A dificultade de seleccionar 15 títulos, a nosa primeira intención, levounos a un documento más amplo no que se recollen, tamén, os títulos que tiveron recoñecemento a nivel galego, a nivel estatal e a nivel internacional”.
Velaquí a guía completa.

chamádeme simbad lix o neno can