A verdade, nunca fun un apaixonado de Jostein Gaarder. Quizais porque cando aquel boom d’O Mundo de Sofía e eu era profesor de Filosofía e decatábame xa non só das ausencias naquela particular historia do pensamento, senón, sobre todo, de certo recendiño escolástico que renxía un pouco.
Sen embargo, cando un ex-alumno me agasallou Vita Brevis, unha noveliña que xoga a inventar a vida da concubina de Santo Agostiño antes de se converter ao cristianismo, reconcilieime con el.
Hoxe, tráiovos aquí unha frase súa que, en días coma os de hoxe, teño moitas gañas de asinar:
“A realidade non posúe ningunha ventaxe racional sobre un conto de fadas calquera”.