Velaquí vos deixo o poema que saíu publicado na revista cubana Extramuros.

Pretende ser un poema de amor.

FE

Sei que volverei nacer

sei que volverei atoparme contigo

sei que serei

póla ra árbore mar licuado

nube lixo de po no teu pelo

o riso dese neno

Sei que volverei nacer

sei que volverei atoparme contigo

sei que serei

folla simple ameba básica

feixe de luz morta no cristal opaco doutras bocas

araña feblísima delgada hélice de adn

Sei que volverei nacer

sei que volverei atoparme contigo

xemido nos teus partos

fluxos da vida que imos semiando

inconscientes e namorados por aí

Cando volva nacer

cando volva atoparme contigo

daquela serei.