Mañá sábado, ás 19 horas, e como todos os anos, o colectivo Os Ninguéns, comandado por ese santo laico que é Antón Bouza, organiza un acto arredor das Letras Galegas e contra a Aporofia. Como noutras ocasións, teño a honra de ser convidado a dicir unhas palabras.

Xuntarémonos alí para dicir que rexeitamos a Aporofia, ou sexa e como define o dicionario, “o rexeitamento e hostilidade contra dos pobres”. Os que cremos nun mundo igualitario onde só hai persoas, non podemos soportar vivir nun mundo así. E como temos pensado seguir no mundo moito tempo, dicimos non á Aporofobia. E que imos loitar pola dignidade de todas e de todos independentemente da súa situación socioeconómica.

Animádevos a vir. Hai sitio para todas e para todos.

aporofoia os ninguéns