Mañá, ás 20 horas inaugúrase en Vigo unha librería.

Supoño que xa se entende o por que do título.

É unha nova librería, de nome ben clariño e evocador, Ler, que abrirá as súas portas na rúa Gran Vía 82, é dicir, un chisquiño máis abaixo da Praza da España, cara a Praza de América.

Os seus responsables pedíronme que exerza de padriño da librería. E eu, por suposto, aceptei encantado. E síntome moi honrado pois nunca tal fixen.

Estades, por suposto, todos convidados a asistir. Haberá pinchos e, sobre todo, a ilusión de estarmos arroupando o nacemento dunha librería, é dicir, dun ser que amamos e que cómpre coidar.