Eramos poucos…
Por algo que non son moi ben capaz de comprender, existe unha especie de fenómeno, entre algunha xente famosa a, cando xa tocaron o cumio máis altísimo e altérrimo das súas carreiras, meterse a literatos. Gustaríame pensar que o fan porque, no fondo, son escritores frustrados. Pero non creo.
Tal vai facer Ron Wood que vén de anunciar que está a piques de sacar unha novela despois de publicar, estes días, as súas memorias ( eu son rockeiro frustrado e non me imaxino, cando pase dos sesenta e despois – espero – dunha boa cantidade de textos publicados, sacar un disco de rock and roll ).
A priori dáme a min que non vai ser unha gran cousa desde o punto de vista estilístico e tal. Sen embargo – merda de mitomanía – sei que a mercarei.