Ás veces, nos Obradoiros Literarios que imparto por aí adiante, adoito dicir que para escribir é fundamental ter o valor de entrar no País das Marabillas, porque a literatura é, precisamente, o País das Marabillas.

Ou dito doutra maneira: para escribir hai que crer naquilo que dixo Borges, de que a literatura era un soño… pero dirixido.

Quizais por iso Borges, e Lennon, e eu amamos tanto a Alicia. Quizais por iso, non podo evitar propoñervos que creamos, xuntos, nos soños.