Non ten desperdicio a conversa que os escritores colombianos Laura Restrepo e Fernando Vallejo mantiveron en El País o pasado domingo.
Destaco unhas frases reveladoras coas que concordo por completo. Di Laura Restrepo que hai que manter sempre a independencia do poder á hora de escribir, e que “non hai nada peor que a literatura pacega”, e, á súa vez, Vallejo, que lle dá “un pracer moi grande molestar”.
A pesar de que nos últimos tempos hai quen di que o escritor comprometido coa realidade, que fala dela e pon a súa voz ao servizo de determinadas causas está demodé, o certo é que, só con abrir os ollos e de paso, calquera xornal, xa queda ben claro que non nos queda máis remedio que comprometernos e tomar partido.
O escritor, independente, molesta. Debe, de feito, molestar.