menu Menú
POR QUE NOS ODIAN TANTO?
Por Francisco Castro Publicado en A Canción do Náufrago (Blog) en marzo 17, 2011 0 Comentarios 2 min lectura
O PORCO SEGUE DE PÉ Anterior NA OFICINA DE OBXECTOS PERDIDOS (13) Siguiente

O pasado luns pasei o día no coche e, coma sempre, coa radio acesa, zapeando polo dial na procura dalgún asunto interesante mentres conduzo.

Parei nunha emisora na que unha muller ía dar conta dos Premios da Edición. Xa imaxinades: deformación profesional e, aínda que xa coñecía os galardóns, pois se deran dous días antes, quería saber como o contaban.

Case que derrapo do susto ao escoitar que, segundo a locutora, o Premio ao Autor do Ano era para José Neira Vilas. Non para Xosé, senón para José.

Poñendo en xogo a vida, mirei o dial. Tratábase de ES RADIO, a emisora de Jiménez Losantos, ese intelectual. Quixen pensar, malia todo, que fora un despiste da locutora. Pero a cousa seguiu, coa información dos Premios de Xornalismo de Novacaixagalicia. Segundo ela, o gañador era José Carlos Caneiro. Non Xosé.

Seguín alí, nese punto do dial, totalmente noqueado. De seguido identificáronse, como é normal na radio, lembrándonos que estabamos a escoitar «Es Radio Galicia», é dicir, que emitían para nós.

Sen dúbida, a cousa non é casual, nin é froito da parvura da locutora. Sen dúbida é unha consigna: todo o que recenda a galego, todo o que teña que ver co galego, todo o que recorde lembre insinúe roce o galego, debe ser negado, marxinado, minimizado… ridiculizado?

O programa seguiu. Un señor con voz barítona recomendaba unha película protagonizada por John Travolta na tele. Quedei decepcionado, pois esperaba que dixese que o protagonista era Juan Travolta.

Así que a pregunta é obvia: por que nos odian tanto?


Anterior Siguiente

keyboard_arrow_up

Usamos cookies para mellorar a experiencia de navegación. Se continúas navegando entendemos que aceptas a política de privacidade e cookies. Máis información

Esta páxina web utiliza cookies propias e de terceiros para mellorar a experiencia de navegación, e funcionalidades (como deixar comentarios ou enviar unha mensaxe no formulario de contacto) que recompilan datos de usuario.

Podes revisar que datos se recompilan e como son procesados na política de privacidade e cookies.

Pechar