Todos os que algunha vez teñan oído un discurso de Salvador Allende decataranse de dúas cousas: que foi un dos grandes oradores da política de todos os tempos, co seu verbo fermoso, e que os políticos de hoxe en día falan fatal. Non hai nin un só que nos cautive co seu dicir, o seu discurso, cando non é oco, é confuso, e a meirande parte das veces non son quen de se mover das dúas ou tres frases feitas que desde o seu gabinete de comunicación lles teñan ordeado repetir.
Cúmprense 100 anos do nacemento de Salvador Allende.
Xa ningún fala coma el. En ningún dos sentidos da expresión.