Onte remataron as touradas de Pontevedra. Inseridas dentro das (cito do cartel) “Tradicionales Fiestas de la Peregrina” e patrocinadas polo “Excmo. Ayuntamiento”. O cartel segue con perlas progresistas coma estas: “se celebrará, si el tiempo no lo impide, con permiso de la autoridad y bajo su presidencia” (soa moi democrático); “5 ENORMES festejos taurinos5”; falan dos “diestros” (¿os zurdos non poden dedicarse a isto?), e citan a primeiras figuras da cultura española: José Tomás, Manuel Díaz “El Cordobés”, Franciso Rivera Ordóñez, Espartaco, Enrique Ponce e, por suposto, “El Bombero Torero y sus enanitos rejoneadores”.

O que aquí importa é o de que o Concello de Pontevedra patrocina isto. É dicir, que un goberno progresista, de esquerdas, de indubidable (aínda que xa non sei) filiación ecoloxista, paga, solta cartos, dá pelas, tira do erario público para financiar algo que, estou segurísimo, os seus votantes repudian.

¿Quen me explica isto?, ¿o bombeiro toureiro e os seus ananiños do carallo?