Onte fixen unha cousa bonita, que levo anos facendo, que me divirte e que, espero, tamén divirte aos pequechos.
Fun convidado por Caixanova e Renfe a darlle a saída ao Tren da lingua, unha iniciativa xeitosa que leva aos pequechos e pequechas de Galicia polo país adiante con actividades e animación relacionadas coa nosa fala.
Como levo xa a facer uns tres anos, compuxen un rap. Unha cousa festiva cun ritmo repetitivo para que eles puidesen bater as palmas.
Esa calva gloriosa que está aí, facendo algo parecido a un baile rapeiro son eu. Os alucinados son os pequenos e as pequenas.
Un luxo.