Esta noite soñei que era un nadador profesional. Soñei que tiña que participar nunha Olimpiada, pero era xordo e daquela non podía escoitar a bucina que indicaba que comezaba a carreira, así que tiña que saír cando todos os demais saían e, claro, saía máis tarde que os demais. Non sei como pero gañaba a proba. Non o entendo porque me asfixio a metade de piscina. Logo, como medalla, dábanme unha cadea dourada finiña conmo de primeira comuñón e un rei dun país que non identifico, pero debe de ser onde se facía a Olimpiada, pronunciaba un discurso que eu era incapaz de escoitar. Porque estaba xordo.