Eu non sei ata que punto as desculpas de George Steiner son ou non son sentidas. Non teño por que pensar que non son sinceras. Dou por feito, e de boa fe, que o son. Así que non teño problemas en titular este post como o titulo.
O terrible é que os de aquí, os financeiros de aquí, os das augas de aquí, os que denuncian bilingües belixerantes que o castelán está perseguido e que hai imposición do galego, todos eles, a pesar de que coas evidencias e os razoamentos se lles fai ver que é todo unha terrible parvada, eses, non rectifican.
Daquela, se rectificar é de sabios, estes nosos de aquí sabios non son.