Desde sempre me interesaron as pintadas. E igual é unha impresión miña pero desde hai uns anos teño a sensación de que baixaron moito de nivel.
Recordo hai moitos anos unha mítica que atopei na praia de Samil que dicía: “Se buen ciudadano y colabora con la policía. Date de hostias en casa”. Durante un tempo gardei moitas. Incluso lles fixen algunha que outra foto.
Pero como acontece con moitas paixóns, ou manías, un día deixei de facelo.
Todo este longo proemio a conta da pintada que o outro día vin, cun vulgar rotulador, sobre unha porta dunha librería do Ferrol: Rimbaud mola!
Aínda hai xente con talento.