[kml_flashembed movie="http://www.youtube.com/v/NRSli4Xtaxk" width="425" height="350" wmode="transparent" /]
No blog Educortos hai un agasallo fermoso. Recibino esta mañá e aínda estou, e estarei por moitos días máis, emocionado ata a médula.

Trátase do proxecto Salvar un Libro en Galego, que fan dentro da asignatura de Plástica do IES As Barxas de Moaña cos alumnos e alumnas de Primeiro da ESO. Preto de sesenta nenas e nenos puxéronse de acordo para salvar un libro en galego. Escolleron para desenvolver o proxecto o meu Chamádeme Simbad. Colgárono no blog, via youtube. E eu, como autor do libro, só podo declararme rendidamente entregado a este proxecto que é, para calquera, un presente que entra directamente no corazón. Todos eses nenos e nenas lendo un capítulo do que eu un día soñei que serían historia escrita e que, agora, na súa voz, collen unha dimensión marabillosa.

Grazas. Escribo para que pasen cousas así de lindas.