menu Menú
TEN DESEXOS SEXUAIS ROUCO VARELA?
Por Francisco Castro Publicado en A Canción do Náufrago (Blog) en enero 10, 2012 0 Comentarios 2 min lectura
PECHAR ESCOLAS E QUE ESTUDEN OS RICOS Anterior CANDO TODO COMEZOU (BABY'S IN BLACK) Siguiente

 

Leo, e non me sorprendo nadiña, que o Vaticano ordea retirar un libro a unha súa editorial católica (libro xa publicado, lido previamente polos editores, etc., e que leva un ano e pico nas librerías… tarde piaches) debido a que o seu autor (un cura, pero non católico), entre outras cousas perigosas (defende modelos de familia diferentes do tradicional misioneiro, etc.) admite que non é malo o desexo sexual.

Carainas…

Jopelines…

Canastos…

A orde vén da Congregación para a Doutrina da Fe, que é como se chama hoxe en día o Tribunal do Santo Oficio, que é como se chamou de toda a vida a Inquisición, que é como se chamou dende o comezo esa organización que hai dentro do seo da Igrexa Católica para reprimir a todo aquel que pense ou actúe diferente do que se entende como santo. É interesante que lembremos que a Congregación para a Doutrina da Fe era presidida, antes, polo actual Papa, ou o que é o mesmo, pola liña de pensamento dominante neste intre dentro da organización e que persoas como Rouco Varela e outros ultraconservadores representan á perfección.

A Igrexa, cando nega (iso era algo que non lles gustaba do libro agora retirado das librerías) o desexo como un sentimento válido, o que está é negando directamente ao ser humano. Porque os homes e as mulleres sentimos fame, sede, ganas de durmir e tamén, si, tamén, claro, tamén, que ben!, tamén, por suposto, tamén, aleluia!, desexo sexual. E amor. E tenrura. E orgasmos.

En definitiva, que sentimos a vida.

Eu non sei se Rouco Varela, os da Congregación ou o Papa sinten desexos sexuais pero, se non os sinten, daquela, é que non son persoas. E se non o son, malamente poden erixirse en guías espirituais de ninguén.


Anterior Siguiente

keyboard_arrow_up

Usamos cookies para mellorar a experiencia de navegación. Se continúas navegando entendemos que aceptas a política de privacidade e cookies. Máis información

Esta páxina web utiliza cookies propias e de terceiros para mellorar a experiencia de navegación, e funcionalidades (como deixar comentarios ou enviar unha mensaxe no formulario de contacto) que recompilan datos de usuario.

Podes revisar que datos se recompilan e como son procesados na política de privacidade e cookies.

Pechar