Sabía do rumor. Pero non o daba por certo. Algo tan fantástico non podía ser verdade. Neste intre de conflictos globalizados, de paro xeralizado, de crise universal, de medo total, que algo así puidera darse na realidade provocábame orgasmos, intelectuais, por suposto, de cada vez que o pensaba.
Agora, seica está confirmado:
unha vez que Bush deixe o poder, vai escribir un libro.
Alivia pensar que a decaída cultura occidental vai coller novos folgos, gloriosos e imperiais, coa aportación deste novo valor das letras civilizadas.
E eu que pensaba que era parvo e que non sabía escribir nin ler ( na foto, reparen, o libro teno do revés; igual é unha montaxe, pero que máis dá ).