Hoxe, o mesmo día no que a gripe veu visitarme, co corpo agarrotado, tremendo de frío e febril, recibo a gratísima nova de que o meu libro Spam, que recibira o Premio Blanco Amor no ano 2005 acaba de ser publicado en italiano baixo da man de Edizioni dell’Urogallo.

Xa sabedes o importante que é que as creacións de noso traspasen fronteiras. Xa sabedes o que sempre digo: que eu escribo en galego, na lingua do meu país, pero para que me lean en todas as partes do mundo. Hoxe, en Italia. Mañá espero que en moitos sitios máis.

Hoxe só podo dicir que estou feliz, feliz, feliz, feliz, feliz, feliz…