Os representantes políticos, coa súa maxestade á cabeza, amosaron hoxe a súa fonda preocupación porque desde hai aproximadamente unha semana están a aparecer, ao primeiro soltos, pero desde hai dous días, formando pequenos grupos, xentes de todo tipo, condición e idades que paran na rúa para ler libros. Neste instante, os sociólogos contratados pola ONU están a estudar se existe algunha clase de relación entre esta psicopatoloxía colectiva e a baixa xeralizada no consumo xeral, nomeadamente no de televisión e facturación de móbil. Pola súa banda, as autoridades están pensando seriamente en tomar medidas urxentes, sen desbotar a posibilidade da actuación violenta, no caso de que o estraño fenómeno sega, como semella que está a acontecer, a medrar en todo o planeta.
O goberno está reunido en Gabinete Urxente de Crise.