Hoxe, no suplemento DOM que tamén entrega entre nós o Xornal de Galicia, o pintor Miquel Barceló di unha desas obviedades que me gusta de cando en vez lembrar, por obvias, si, pero sobre todo, porque hai que lembralas e se recordan pouco: A arte é un magnífico antídoto contra da estupidez.
Claro que si. E entronca co que escribín onte. Os poderes políticos deberían esforzarse en sacar á xente da estupidez. Como xa Platón explicou hai case que 2500 anos, un dos obxectivos dos gobernantes debe de ser sacar ao pobo da negritude da ignorancia.
Por iso deberiamos ter outra tele, outro sistema educativo, máis facilidades para acceder ao cine, ao teatro, a compra de libros…
Iso deberían facer se quixeran darnos o antídoto contra da estupidez.
Mais non nolo dan.
Porque igual o que lles convén é que sigamos sendo estúpidos.