Veño de ler os resultados dunha enquisa sobre os hábitos de lectura de revistas culturais. Como leo unhas cantas, interésanme os resultados.
Os que lemos este tipo de revistas botámoslle unhas tres horas a cada exemplar. Vale.
Os que lemos este tipo de revistas estamos no cumio da nosa vida profesional e cunha personalidade altamente emprendedora. Será.
Ocupamos postos de responsabilidade. Veña ho.
Clase social alta (¿o que?), arredor de 40 anos (cuspidiño ), e personalidade estable ( nesas estamos ).
E agora, o máis alucinante.
Eu son coma Beckham.
Porque segundo ese estudo, os lectores habituais de revistas culturais son lideres de opinión e creadores de tendencias.
Teño a autoestima polas nubes.
(Podes opinar sobre isto e recorda que temos aberto un debate. Xa hai incluso quen se sumou a el)