Onte, nunha librería de Vigo, cando estaba pagando, entrou un rapaz pedindo axuda ao libreiro para mercar un libro. Cito textualmente: «de algún autor bueno, que venda mucho, que saliera hace poco».

Sempre me pareceu impresionante que os libreiros sexan capaces de aconsellar a todo o mundo, incluso aos que veñen con semellante e difusa información.

Cando xa me dispuña a saír pola porta, a pregunta do dependente fíxome pensar:

– ¿Es para un hombre o una mujer?

Saín á friaxe viguesa preguntándome se existe unha literatura para homes e unha literatura para mulleres.

Agardo pola vosa resposta.