Hai moito tempo que tiña gardada esta entrevista con Mercedes Milá, xa sabedes, unha boa xornalista que hai moitos anos nos deslumbrou aos adolescentes coas súas entrevistas, obrigándonos, case, a estudar xornalismo e que despois, ouh decepción, rematou facendo o que fai.
O titular da entrevista é ben significativo: Ningún cargo político me daría el poder que me da la tele.
Escríboo e mentres o fago decátome do obsceno que soa. Síntese máis poderosa que, poño por caso, un ministro.
Mais o certo é que leva razón, e non vou gastar o meu tempo, nin o voso, en explicar o poder conformador das conciencias e de transmisión de valores de todo tipo que fai a tele dunha maneira inmediata sobre a poboación, en especial sobre as máis novos.
Daquela, o que está claro é que a tele pode usarse para ben e para mal. Ese é un poder. Político. E non é o mesmo que programen unha cousa a que programen outra.
E como acaban de desembarcar os novos responsables na TVG, aproveito para pedirlles que poñan a canle pública ao servizo dos galegos e da cultura de Galicia. Algo que, por certo, é o que manda a lei.
Que o teñan tan claro como a Milá.