A edición desta semana de A Nosa Terra lémbranos que, hai 20 anos, o goberno popular da Xunta de Xerardo Fernández Albor impulsara unha creativa campaña publicitaria baixo do lema Fálalle galego.  A frase, o que suxire, é que hai que facer o esforzo de falalo, que hai que poñer moito dende a casa para que o galego medre. En definitiva, era unha campaña intelixente, en positivo, que entendía que había que coidar, promover, defender e axudar á lingua menos favorecida e que, xa que logo, á que máis agarimo precisaba de todos.

Tres décadas despois, dende os novos gobernantes escoitamos falar de conflito lingüístico, da defensa dos dereitos dos castelanfalantes, de imposición do galego e doutros asuntos que, a verdade e por unha vez, fai que tiremos a conclusión de que calquera tempo pasado foi mellor.